鸢尾草's profile~~寻找代表幸福的四叶草~~PhotosBlogListsMore  |  Tools Help |
|
|
~~寻找代表幸福的四叶草~~因为，据说，“找到四叶三叶草，就可以找到幸福”...... 呢个系属于我嘅一片小小天地，我会在呢度低我大大小小的所有事情，无论系开心、悲伤、无奈、愤怒......我都会钜细无遗咁全部记录落来，衷心希望你地得闲果时来踩踩吖^0^
October 25 08年10月25日 可悲嘅“学习”…… 一直以来，所有嘅反应，无论系喜、怒、哀、乐，都好自然咁摆晒在块面度；而对一个人感觉嘅好坏，从我嘅态度就好可以睇得出来，但系衣家，我要学“表里不一”…… 阿head话，呢个世界有两种人，一种系君子，一种系小人，君子不见得会遇到，但小人就时时都有。因此无必要直肠直肚，尤其系工作上嘅嘢，cause只会令自己往后嘅工作难做。 如果人地要求你帮手XXX，即使你觉得唔合理、甚至于好过分，想要拒绝，都唔可以直截了当咁讲出来，而系要经过一定嘅“修饰”。换而言之，即使系拒绝嘅话从你口中讲出，都要讲得相当漂亮、令人听落好舒服，尤其要俾人一种明明系拒绝但听落系：你已经尽晒力啦、不得已嘅感觉…… 而对于而言你系举手之劳，但呢个要求唔合理嘅时候，你在呢个人面前就要表现出：你系花左好多功夫先帮距做到、只此一次绝无下次嘅，令距在“感激”之余知难而退…… 阿head话，呢种同各种各样嘅人打交道嘅机会，以后仲有好多好多，要训练自己学识应对各式各样嘅人。以相对谦卑一D嘅态度去同其它科嘅人沟通，会事半功倍，尤其系我地需要去沟通嘅基本上都系主任级人马，姿态放低D、表现出你系好努力咁帮距地解决问题，最终得到嘅结果会比你想象中好好多…… 计埋实习，离开学校出来做嘢就来两年啦，感觉上离真实嘅自己越来越远，已经唔知道点样去形容衣家嘅自己…… 08年10月24日 [转载]爱在26个字母中在流氓的QZONE果时无意中睇到嘅，觉得好似几好玩下～～～～ 可惜嘅系，少左个V   ]  []                     08年9月2日 香港“两”日游 筹备左一个月，策划左两个礼拜，终于，在上个礼拜六日成行，但结果……唉……应左一句：计划赶唔上变化啊 在出发之前，我地就将一切都plan好左，包括几点去边度，大概要用几多钱，都有一个预算，但实际上……几个小小嘅“意外”，就打乱晒我地嘅全盘计划，将成个行程一删再删，到左最尾，仲搞到因为用晒D cash而要提前翻来，呜……真系中晒妈妈讲嘅：“你地纸上谈兵啫，实际上边可能啊……”(妈妈你点可以咁家，未有耐开始就打击人地，呜) 其实冧翻转头，除左有50蚊系因为果间店未到100蚊无得刷卡而要俾现金之外，其余嘅200蚊几都用左来祭我地嘅五脏庙——直接D而言，就系我地嘅实际开销其实同预算好相近，祇系吃每一餐嘅间隔时间同预算有较大嘅出入，所以先会搞到第二日出现三餐不继嘅现象…… 首先系第一日嘅中午饭太早吃啦，啱到香港无几耐就坐低吃嘢，仲要系吃一D都唔饱嘅车仔面……于是，我地就有下午茶之一——美心嘅黑森林蛋糕，同下午茶之二——哈根达斯嘅三色雪球，以及下午茶之三——许留山嘅鲜果杂锦拼盘……唉，虽然晚黑果餐系在普通嘅茶餐厅吃炒年糕+瓷饭+豆浆，但已经改变唔到我地囊中羞涩嘅事实——剩低4个一蚊两蚊嘅硬币…… 再加上，礼拜六晚我地终于得尝所愿，去见识到传闻中嘅兰桂芳，仲一人点左一杯鸡尾酒来过下瘾，结果小龚俾一杯Long Island Ice Tea 搞到第二朝都起唔到身(我就好D，祇系点左杯Sex On the Beach，饮完都无咩感觉)…… 所以，我地在宿醉+三餐不继嘅情况下，提前结束左我地嘅香港“两”日 08年8月26日 事不关己高高挂起，一旦切身七情上面…… 好多嘢，虽然自己都有份做，但祇要系同切身利益无关直接关系嘅，好自然就会摆出无所谓、可有可无嘅态度；之但系，一旦宣布同切身利益相关，例如钱啊之类嘅，哇，紧张到不得了啊……态度转变之快，简直令人叹为观止 之前，阿head同我提议——每人负责一part、唔啱数就扣相应嘅奖金——呢种做法嘅时候，我仲抱住怀疑嘅态度，话应该唔会有太大嘅分别，因为负责嘅人祇系所有人当中嘅一个，而做嘢个时涉及到嘅就全部都有份，若果真系要追究责任起来都依然系无从入手……但点知，到左真正实行嘅时候，其效果之好真系出乎我嘅意料，所有人都“积极”到不得了，一有时间就去核对自己负责嘅果部分，一反之前爱理不理嘅态度，确实令我大吃一惊，同时亦深深咁体会到呢句话嘅经典：“钱能使鬼推磨！”难怪大主任咁中意乜都同钱挂钩啦，原来如此…… 人性啊人性，在欣赏一场可笑嘅“变脸”戏码之余，不得不感叹人的势利程度系几咁刻骨铭心…… 08年8月3日 vampire knight 狂追ing.... 最近好疯狂咁睇动画，我家有个狐仙大人，S.A.特优生，仲衣家等唔切第二季狂追紧漫画嘅vampire knight，哇，超正啊！ P.S.动画嘅片头同片尾曲都唔错，几正！ |
迷上动漫系小学果时的事啦，但好似衣家咁疯狂呢，系最近嘅事^0^
|
||||||||||||||||||||||||||||||||||||
|
|
